འཕྲིན་གསར་གནད་བསྡུས།
མཁར་ཞོལ་བཅའ་སྡོད་ཆ་ཚང་སློབ་ཆུང་གི་སློབ་སྟོན་ཁང་། ཐེངས་ ། ༢༠༡༨ལོའི་ཟླ༣ཚེས༢༡ཉིན།
__________☆__________
སྐད་ཡིག་བསླབ་འབྲས་ཇེ་བཟང་རེད།
སྤྱི་ལོ༢༠༡༨ལོའི་ཟླ༣ཚེས༢༡ཉིན་གྱི་ཕྱི་དྲོའི་སློབ་ཐུན་གསུམ་པའི་སྐབས་སུ། སློབ་སྟོན་ཁང་གིས་སྣེ་ཁྲིད་བྱས་ཏེ་བོད་སྐད་ཡིག་ཚན་ཁག་གི་དགེ་རྒན་རྣམ་པས་ལྟ་ཁྲིད་སྦྱོང་སེལ་གྱི་གོམ་པ་ཇི་ལྟར་སྤོ་ཚུལ་དང་བསླབ་འབྲས་ཅི་ལྟར་ཇེ་བཟང་ལ་གཏོང་བའི་སྐོར་གྱི་དཔྱད་གླེང་ཚོགས་འདུ་ཚོགས།
སློབ་གྲྭའི་དགེ་རྒན་ཡོངས་ཀྱིས་ལྟ་ཁྲིད་སྦྱོང་སེལ་གྱི་སློབ་ཁྲིད་མ་ལག་འདི་བེད་སྤྱད་དེ་སློབ་ཁྲིད་བྱས་ཚེ་བསླབ་འབྲས་སོགས་ཇེ་བཟང་ལ་འགྲོ་བའི་སྐོར་གྱི་གླེང་མོལ་མང་དུ་བྱས། ལྟ་ཁྲིད་སྦྱོང་སེལ་གྱི་སློབ་ཁྲིད་མངོན་འགྱུར་དང་དགེ་རྒན་དང་སློབ་མ་སྦྱོང་བར་དགའ་བའི་དམིགས་འབེན་བཟུང་སྟེ། ཐེངས་འདིའི་བྱེད་སྒོ་ཁྲོད་ཀྱི་དགེ་རྒན་ཡོངས་ཀྱིས་གཅིག་གྱུར་གྱི་ལྟ་བ་ནི། སློབ་ཁྲིད་འདི་ལས་ཁྲིད་སྟངས་དང་ཁྲིད་བྱ་སོགས་སྣ་མང་རང་བཞིན་ཅན་གྱི་བྱེད་སྒོ་ཞིག་ཡིན་པ་ངོས་ཟིན་ཟབ་མོ་ཐོབ།
མདོར་ན། འདི་འདྲའི་བྱེད་སྒོ་མང་དུ་སྤེལ་ཏེ་དགེ་རྒན་རྣམས་ཀྱིས་ཉམས་མྱོང་བརྗེ་རེས་དང་སློབ་ཁྲིད་ཀྱི་ཐབས་ལམ། སློབ་ཁྲིད་ཀྱི་འདུ་ཤེས་སོགས་མཐོར་འདེགས་བཏང་སྟེ་རང་ཉིད་ཀྱི་སློབ་ཁྲིད་ལག་ལེན་ཁྲོད་ནས་སྟབས་ཇེ་བདེ་དང་ཁྲིད་ཇེ་ཤེས་ཀྱི་ལམ་ལ་གོམ་པ་སྤོ་ཐུབ་པས། སློབ་ཁྲིད་ཀྱི་རྒྱུ་སྤུས་མཐོར་འདེགས་གཏོང་བར་དེ་ལས་ཀྱང་ནུས་པ་ཐོན་ནོ།།
____________________
ཞུ་འབུལ། སློབ་གཙོའི་གཞུང་ལས་ཁང་།
སྒྲོག་ཡུལ ། རྩེ་ཁོག་རྫོང་མཁར་ཞོལ་བཅའ་སྡོད་ཆ་ཚང་སློབ་ཆུང་གི་ཚན་ཁག་སོ་སོ་དང་ལོ་རིམ་ཚན་ཁག ཡིག་ཚགས་སུ་ཉར་བ།