སློབ་རའི་རྩོམ་ཡིག་འགྲན་བསྡུར་སྤེལ་བའི་བརྡ་སྦྱོར །

          སློབ་རའི་རྩོམ་ཡིག་འགྲན་བསྡུར་སྤེལ་བའི་བརྡ་སྦྱོར །

རང་སློབ་གྲྭའི་སྐད་ཡིག་དགེ་རྒན་རྣམས་ཀྱི་སྤྱན་ལམ་དུ།

ན་ཆུང་བྱིས་པ་རྣམས་ནི་རྒྱལ་ཁབ་ཀྱི་མ་འོངས་འཕེལ་རྒྱས་དང་མི་རིགས་ཤིག་གི་དར་རྒུད་ལ་འབྲེལ་བ་དམ་པོ་ཡོད་ཅིང་མི་རིགས་གང་དེའི་ཡར་རྒྱས་ཀྱི་སྙིང་ལྟ་བུ་ཡིན་ཞེས་པ་ལྟར་སློབ་གསོ་བྱ་ཡུལ་གྱི་ན་ཆུང་བྱིས་པ་རྣམས་ལ་དམིགས་ཡུལ་དང་འཆར་གཞི།དགའ་སྣང་།རྩ་འཛུགས་སོགས་ལྡན་པའི་སྒོ་ནས་སྐད་ཡིག་ལ་དགའ་ཞེན་དང་བག་ཆགས་བཟང་བོ་འཇོག་པའི་བྱེད་སྒོ་སྤེལ་ཞིང་།བྱིས་པའི་ལུས་སེམས་བདེ་ཐང་དང་སྐད་ཡིག་གི་འཇོན་ནུས་སྔོག་འདོན་བཟང་བོ་བྱེད་པ།ལྷག་པར་སློབ་གསེང་གི་འཚོ་བ་ཕུན་སུམ་ཚོགས་པར་གཏོང་བའི་ཆེད་དུ།སློབ་གྲྭའི་མགོ་ཁྲིད་ཀྱིས་མཆོག་མཆན་གནང་བ་ལྟར།རང་སློབ་གྲྭའི་རྩོམ་སྒྲིག་ཚན་ཆུང་གིས་ཡང་བསྐྱར་“རྩོམ་པ་པོ་ཆུང་ཆུང་”ཞེས་པའི་སློབ་རའི་ཚགས་པར་པར་ཐེངས་གཉིས་པར་དམིགས་ཏེ་རྩོམ་ཡིག་འགྲན་སྡུར་གྱི་བྱ་འགུལ་ཞིག་སྤེལ་རྒྱུ་ཡིན།

   ༡  བྲི་བྱའི་རྩོམ་ཡིག་གི་ཁ་བྱང་ནི་རྩོམ་ཡིག་འགྲན་སྡུར་སྐབས་དེའི་ཚོགས་ར་ནས་་་གསལ་བསྒྲགས་བྱ་རྒྱུ་ཡིན།༼    རྩོམ་ཡིག་གི་ཁ་བྱང་ལ་སྣ་མང་པོ་ཡོད་པས་རང་མོས་ངང་གདམ་ཆོག   ༽ 

   ༢ རྩོམ་ལུས་ནི་ཇི་བཞིན་བརྗོད་པ་དང་ཁ་མཚར།སྲོལ་རྒྱུན་སྙན་ངག་བཅས་ཡིན་དགོས།

   ༣ རྩོམ་ཡིག་གི་ནང་དོན་ལ་སྤྱིར་ཚད་བཀག་མེད་མོད།འོན་ཀྱང་རང་སློབ་གྲྭའི་ལོ་་འཁོར་དྲུག་ཅུའི་དགའ་སྟོན་དང་རྒྱལ་ཁབ་སློབ་གསོ་དོ་མཉམ་འཕེལ་རྒྱས་ཀྱི་བྱ་གཞག་ལ་བསྟོད་པ་བྱེད་པའི་རྩོམ་ཡིག་འབྲི་སྟངས་ལ་སྐད་ཡིག་དགེ་རྒན་རེ་རེ་ནས་ཁ་ཕྱོགས་་དང་མཛུབ་སྟོན་བྱས་ཏེ་ཐེངས་འདིའི་རྩོམ་ཡིག་འགྲན་སྡུར་ལ་གྲ་སྒྲིག་ལེགས་པོ་བྱ་ཆོག  ༼    ཡིན་ཡང་ཐེངས་འདིའི་རྩོམ་ཡིག་འགྲན་སྡུར་གྱི་ཁ་བྱང་སྣ་མང་ཡིན་པས་སློབ་མ་རེ་གཉིས་ལ་མཛུབ་སྟོན་བྱས་ན་ཆོག  ༽

  ༤ ལོ་རིམ་བཞི་བ་ནས་དྲུག་པའི་བར་གྱི་བོད་ཡིག་འཛིན་གྲྭ་སོ་སོ་ནས་རྨང་གཞི་ཆེས་ལེགས་པའི་སློབ་མ་གསུམ་རེ་འགྲན་སྡུར་ལ་ཞུགས་དགོས།

   ༥ འགྲན་སྡུར་གྱི་དུས་ཚོད་ནི།ཟླ་འདིའི་ཚེས་20ཉིན་༼  གཟའ་པ་སངས། ༽  གྱི་ཉིན་གུང་གི་དུས་ཚོད་13:00---14:30བར།

 རྩོམ་ཡིག་འགྲན་སྡུར་ལས་བརྩམས་ཆོས་ལེགས་ཤོས་རྣམས་རང་རང་གི་སྐད་ཡིག་དགེ་རྒན་སོ་སོ་ནས་དག་བཅོས་ཡག་པོ་བྱས་ཏེ་སློབ་རའི་རྩོམ་སྒྲིག་ཚན་ཆུང་ལ་དུས་ལྟར་སྤྲོད་དགོས།

                                           སློབ་རའི་རྩོམ་སྒྲིག་ཚན་ཆུང་ནས།

                                2018ལོའི་ཟླ4ཚེས18ཉིན།