འཕྲིན་གསར་གནད་བསྡུས།
མཁར་ཞོལ་བཅའ་སྡོད་ཆ་ཚང་སློབ་ཆུང་གི་སློབ་སྟོན་ཁང་། ཐེངས་ ། ༢༠༢༠ལོའི་ཟླ༤ཚེས༢༣ཉིན།
__________☆__________
༢༠༢༠ལོའི་ཟླ༤ཚེས༢༣ཉིན་གྱི་སྔ་དྲོར་སློབ་སྟོན་ཁང་གིས་མགོ་འཛིན་བྱས་ཏེ།འཛམ་གླིང་དཔེ་ཀློག་ཉིན་མོར་བསུ་བའི་བྱེད་སྒོ་སྣ་ཚོགས་ཞིག་སྤེལ།
སྔ་དྲོའི་དུས་སུ་དགེ་རྒན་རྣམས་ཀྱིས་རང་རང་གི་ཁོམ་གླགས་དང་བསྟུན་ནས་སློབ་གྲྭའི་དཔེ་མཛོད་ཁང་དུ་དཔེ་ཀློག་བྱེད་དུ་ཕེབས་བྱུང་།
ཉིན་གུང་དང་སློབ་གསེང་གི་བར་ནས་སློབ་མ་ཚོས་རང་སློབ་གྲྭའི་དཔེ་ཀློག་ཁང་དང་སློབ་ཁང་། རྩལ་སྦྱང་ར་བ་བཅས་ནས་རང་རང་གི་འདོད་མོས་ལྟར་དཔེ་ཆ་རེ་བཟུང་ནས་འཛམ་གླིང་དཔེ་ཀློག་ཉིན་མོ་བསུ་བའི་བྱེད་སྒོ་སྤེལ་བ་ཡིན།
ཐེངས་འདིའི་བྱེད་སྒོ་བརྒྱུད་དེ་དཔེ་ཀློག་ནི་ཉིན་རྒྱུན་གྱི་བྱ་བའི་ཁྲོད་ནས་ཆེས་གལ་ཆེན་ཡིན་པ་དང་དགེ་སློབ་ཡོངས་ལ་ངོས་ཟིན་ཐོབ་ཡོད། འཚོ་བའི་ཁྲོད་དཔེ་ཆ་མེད་ན། འཇིག་རྟེན་ལ་ཉི་འོད་མེད་པ་དང་འདྲ་ལ། རིག་པའི་གནས་ལ་དཔེ་ཆ་མེད་ན་བྱ་རྒོད་ལ་གཤོག་པ་མེད་པ་དང་མཚུངས།
ཞུ་འབུལ། སློབ་གཙོའི་གཞུང་ལས་ཁང་།
སྒྲོག་ཡུལ ། རྩེ་ཁོག་རྫོང་མཁར་ཞོལ་བཅའ་སྡོད་ཆ་ཚང་སློབ་ཆུང་གི་ཚན་ཁག་སོ་སོ་དང་ལོ་རིམ་ཚན་ཁག ཡིག་ཚགས་སུ་ཉར་བ།